Kubus

'ne kubus

'ne Kubus is e regelmaotig väölvlaak, e zèsvlaak wovan de ziejvlake veerkantje zeen. De kubus is ei vanne vief platonische lieve die wore besjreve door Plato.

'ne Kubus is e biezunjer geval van 'ne balk. Kubusse vanne zelvendje gruuedje kónne dus juus wie identieke belk sónger tösseruumdje gestapeldj waeren inne vorm van 'ne balk.

Eigesjappe

'ne Kubus is 'ne balk mit gelieke röbben en haet daoveur zès veerkentje ziejvlake, twellef röbben en ach hookpuntj.

d'n Inhaad $V$ van 'ne kubus wuuert beraekendj mit de formuul $V=l^3$ wobie $l$ de lingdje van 'n röb is.

De oppervlakdje $O$ van 'ne kubus wuuert beraekendj mit $O=6\times l^2$ wobie $l$ weer de lingdje van 'n röb is.

De lingdje $d$ van e liefdiagonaal van 'ne kubus wuuert beraekendj mit de formuul $d=\sqrt{3}\times l$, mit $l$ es de lingdje van 'n röb. Dees formuul kan waeren aafgelèdj dore stèlling van Pythagoras twieë kieër toe te passe.

'ne Kubus haet octahedraal symmetrie.