Veervlak

Driejmodel van e regelmaotig veervlak

E veervlak (tetraëder) is 'n ruimteleke figuur mèt 4 driejheukige vlakke, 4 heukpeunte en 6 ribbe. 't Is de 3-simplex, en 'n piramide mèt driejheukig groondvlak.

'ne Tetraëder van geliekzijdige driejheuk heesjt e regelmaotig veervlak; dit is èè van de vief mäögeleke saoërte regelmaotige väölvlakke. Zo'ne tetraëder paast precies in 'nen kubus oeëvan de diagonale aeve laank zeunt es de ribbe van 't veervlak (kiek ooch 't diamaantruuëster).

De oppervlakte A en inhoud V van zoe'ne tetraëder is:

$A=r^2\sqrt{3}$

$V=\frac{1}{12}{r}^3\sqrt{2}$

Hie in is $r$ de lengde van 'n ribbe.

Sjeikundig

Alle molecule mèt 'n sp³-hybridisatie, zoewie methaan (CH₄), haant de sjtructuur van e veervlak: d'r koolstof in 't middelpeunt en de 4 waterstoffe óp de veer hookpeunte van 't veervlak.

Sommige polymere (mieë bepaald de harse) haant per monomeer 4 reactiepaunte (plaatsje oeë 'n verbeending mèt 'ne aandere monomeer mäögelek is). Dès polymere (biev. bakeliet) vorme 'n 3D-sjtructuur, ópgeboewd oet veervlakke.

Driejende tetrahedron